Cantu 2
Bachisè! Oh! Ascurta cante, cante!
Ite voles! Acurtzia ca d’apo bisontzu!
Ite voles! Acurtzia ca d’apo bisontzu!
A it’est chi non mi lassas oe in pasu
ca semper mi ses secande sas ancas
e si tue non benis faghes male!
Male siat
o vene chirca de ti mogher, ballalloi!
“Mancu ca nudda intendet Bachiseddu
e li tocat a issa acurtziare
pro che
li poder narrer a s’iscusa:”
bi ca sun bennidos sos carabineris
in chirca
de ti poder chistionare;
fia puru nuscande lemmi lemmis
ma non
m’ant dadu ghetu de lischire.
Abista in ue che fias totu sa die
ca non
t’amus intesu regollinde.
Si setzis che sos soriches padentes
chi dormides semper a trumpone
tzertu non bos podides abitzare
cando brincande sunt su liminarju.
Ello credes chi non ti cumprendo
ma si torrant a benner dae cara
a
t’imbentare totu su chi as fatu.
Pro it'est chi no l’acabas de tunchiare
ca che juco sa conca che unu moju!
Amentadi de sos carabineris
e chi cun babbu tuo umis finas oe
gherrande a magonire dae impudile
cussa mustrenca chi as apicadu
a
s’acantzadorja in magasinu;
bogandennoche sa mata a sa sola
ca su
pitzinneddu fiat dorminde!
M’usto pasande ca mi faghet bene;
e pro saprestu narami unu pagu
si su matamene imbolau che l’atzes
e carchiunu non bos apat bidu.
Nissunu nos at bidu,
trancuillu
e ajò ca nos chenamus como a frimu
ca non ti
naro cantu siat bona!
“Duos lampos iscrasint su chelu
una note ghirande
e tronos l’imbuscat sa mamma bidendelu in terra.”