Sos cantos de su chelu
In montes, baddes e serragos
s’intendent sos cantos armoniosos
beninde dae sa terra e dae chelu
s’intendent sos cantos armoniosos
beninde dae sa terra e dae chelu
e a su coro li daent cossolu.
Sos cantos de su chelu universales
semper suni mudande custu mundu
achendenos bessire a bolu mannu
dae custa terra chi nos est collinde
pro nde poder gudire a fitianu
cad’ora chi vidimus e bi semus:
in custa vida chi nos acatamus.
T’istet su cantu semper in su coro
e anda aboghinandelu a su mundu
chene istares pessande: a dolu mannu
fintzas si non ti torrat s’intonada;
no andes istutandeli sa lughe
a chie tenet bisontzu e t’intender:
cando t’andas moghende in custa terra.
Sa vida bi ca b’est’ in cussos cantos
e dae cussos lassamunnos domare
sas manos dande a minores e mannos
pro lis poder torrare paghe e amore
e in s’universu semper prus volande:
vene acantzados a sa manu de Deus.